Ramstadslottet naturreservat

Allereie i 1976 la Miljøverndepartementet fram eit utkast til ein plan for bruk og forvaltning av Oslomarka (ein fleirbruksplan), der vern av 36 lokalitetar inngikk. Etter lokal høring i 1989, sentral høring i 1993, ny runde med justering og supplering av planen og lokal høring i 1996 og sentral høring i 1998, skulle det altså ta over 25 år å realisere første del av planen. Desto meir gledelig er det at Ramstadslottet er med i første runde av område som nå får vern etter naturvernloven.

Reservatet er på 2,1 km² og blir Østmarkas andre. Fra før har vi Østmarka naturreservat i Rausjømarka på 12,5 km², som vart verna som barskogreservat i 1990. Ramstadslottet er eit svært variert skogområde med liten påverknad i forhold til resten av Østmarka. Tidligare hogstar har sett ein del spor, men området er i ferd med å gjenvinne naturskogskvaliteten. Det nye naturreservatet er nærområde for store befolkningskonsentrasjonar i Skedsmo, Rælingen og Lørenskog. Området har rikt dyre- og planteliv, og gir folk villmarksoppleving sjølv om det ligg mindre enn 5 km frå Strømmen sentrum.

Det nye verneområdet omfatter Østmarkas høgste punkt, nemlig Barlindåsen på 398 m.o.h., mens Ramstadslottet rett aust er på 394 m.o.h. Dette åsområdet er eit populært turmål, og av vernereglane går det fram at vedlikehald av eksisterande stiar og preparering av skiløyper er tillatt, noe som er positivt for friluftslivet. Det er ikkje opna for å utvide eller legge om stier og løyper da styresmaktene vurderer løypestandarden som tilfredsstillande.

Kartlegging foretatt av «Stiftelsen Siste sjanse» dokumenterer at området har tre nøkkelbiotopar, dvs. mindre lokalitetar med urskogsliknande skog og sjeldne artar. Desse tre er Isdalen, Blåtjern sør og Barlindåsen øst. Generelt ligg dei mest spennande gammalskogområda innafor reservatet i dei rike kløftene sør for Blåtjern.

Kanskje Ramstadslottet bør bli ditt neste turmål til våren? Vi anbefaler turen, og kan love deg spennande opplevingar og flott utsikt.

 

Forskriften for Ramstadslottet finner du her.